U.S Ambassador to the Philippines mibisita sa dakbayan sa Sugbo

CEBU, Philippines —  Nitikang dinhi sa Dakbayan sa Sugbo si U.S. Ambassador to the Philippines nga si MaryKay Carlson alang sa duha ka adlaw nga pagbisita.

Sa tahu sa Cebu City Public Information Office, tipik sa pagbisita niya sa dakbayan mao ang paghimamat sa US-based nga mga kompaniya nga nag-operate dinhi sa Dakbayan sa Sugbo.

Nibisita usab ang ambassador sa pipila ka religious ug historic sites sa Dakbayan diin giubanan siya sa mga tinugyanan sa Cebu City Tourism Office.

Kahinumdoman nga sa pagtikang niya sa laing bahin sa Sugbo sa niaging adlaw, una na nga gipadayag sa U.S Ambassador nga dunay lig-ong relasyon ang Amerika ug Pilipinas.

Importante alang kaniya ang pagbisita sa mga lugar sa nasud kun diin dunay mga programa ang Amerika.

Sa nasayran nitabang usab ang Amerika sa Pilipinas alang sa pagpalambo sa military effort niini pinaagi sa Enhanced Defense Cooperation Agreement (EDCA). (BANAT NEWS)