Drayber sa habal-habal sikop human nakuhaan og shabu

CEBU, Philippines —  Nadakpan ang usa ka drayber sa habal-habal human kini nakuhaan og shabu diha sa Purok Sambag III, Barangay Maghaway, Dakbayan sa Talisay niadtong Biyernes sa gabii.

Ang nasikop mao si Jovan Teofilot Aparicio, 27-anyos, ulitawo, taga Sitio Cabancalan II, Barangay Bulacao, Siyudad sa Sugbo.

Matud ni Police Lietenant Colonel Randy Caballes, hepe sa kapolisan sa siyudad nga pila na ka adlaw sila nagsunod-sunod sa suspetsado aron mosakay kini nga mobaligya og drugas.

Tuod man naabot ang higayon nga nisakay kini ug nakigsabot na sa poseur buyer.

Dihang nitunol na sa ginadiling drugas ang suspek ngadto sa poseur buyer gikuptan dayon kini sa mga polis.

Nasakmit gikan sa suspetsado ang 25 gramos nga shabu nga gibana-banang nikantidad tanan ngadto sa P170 mil.

Ang suspetsado natingkagol karon sa detention cell sa Talisay City Police Station. (BANAT NEWS)