DND nibalik na sa mga luna sa Kapitolyo
CEBU, Philippines — Gibalik na sa Department of National Defense (DND) ang laing 19 ka luna nga kasamtangang giukopahan sa Visayas Command (VisCom) sa Camp Lapu-Lapu diha sa Barangay Apas, Dakbayan sa Sugbo ngadto sa Kapitolyo.
Si Gobernador Gwendolyn Garcia ug DND Secretary Carlito Galvez, Jr. nipirma sa memorandum of agreement kalabot niini niadtong Lunes diha sa Mactan–Benito Ebuen Air Base kinsa si Presidente Ferdinand “Bongbong” Marcos, Jr. ug Bise Gobernador Hilario Davide, III ang nisaksi.
Ubos sa maong MOA ibalik sa DND ang titulo sa 18 ka luna ubos Armed Forces of the Philippines (AFP) ngadto sa Probinsiya sa Sugbo ug usa sa 13 ka luna nga i-turnover ngadto sa Kapitolyo kon makompleto na ang pagtukod sa functional office building sa AFP sa bag-ong balhinan niini nga lugar.
Ang Kapitolyo mao usab ang mo pundo sa pagtukod sa “replicated offices” ug buildingg sa VisCom ngadto sa giila nga relocation site niini.
Sa maong MOA gimandoan usab ang AFP nga ibalik ang nahibilin nga 12 ka luna ngadto sa Kapitolyo kon mahuman na ang giila nga estraktura sa VisCom nga angay i-replicate.
Niadtong Oktubre 2022 unang gi-turnover sa DND ang unang 16 ka parsela sa luna nga adunay sukod nga 17.5 ka ektarya diha sa Camp Lapu-Lapu ngadto sa Kapitolyo pinaagi sa deed of conveyance. (BANATNEWS)
- Latest
