P1.2M gibiling danyos sa duha ka sunog
CEBU, Philippines — Miabot ngadto sa sobra 1.2milyon ang danyos sa sunog nga niulbo sa Dakbayan sa Sugbo
Unang sunog niulbo sa may Sitio Nangka, Barangay Tisa, Huwebes sa gabii nga naglambigit ug residential houses. Ang sunog giingon nagagikan sa panimalay nila ni Julie ug June Bagcat.
Gibana-bana moabot ngadto sa P600 mil ang danyos sa maong sunog diin duha ka panimalay ang apektado , usa ang nakan-an sa kalayo ug usa usab ang naugdaw gyud.
Ang ikaduhang sunog nahitabo sa Juana Osmeña, Barangay Capitol Site, nianang pagka-alas 11:36 kagahapon sa buntag adlaw nga Biyernes.
Ang sunog giingong balay nga gipuy-an sa retiradong pari nga si Fr. Dennis Montecillo. Gibana-bana moabot ngadto sa P630 mil ang danyos ug walay gikataho nga nakalas o naangol sa duha ka mga sunog.
Si Fire Officer 3 Fulbert Navarro, Fire Investigator sa Cebu City Fire, nitug-an nga mohimo pa og imbestigasyon may kalabutan sa maong sunog. —IBM (BANATNEWS)
- Latest