CHAO ni-restore sa historical markers sa Dakbayan sa Sugbo

CEBU, Philippines — Gipang-restore sa Cultural and Historical Affairs Office (CHAO) sa Dakbayan sa Sugbo ang nagkadaiyang oldest historical markers.

 Gihatagan og pagtagad sa maong buhatan ang importansiya sa kasaysayan nga nagsilbing inspirasyon sa kadaghanan.

Mao usab kini ang instrumento aron malab-as sa kasamtangang henerasyon ang mga panghitabo kaniadto.

“Pananglitan dunay mga bisita anang lugara kun makita nila ang markers makahibalo dayon sila kon unsay mga panghitabo anang lugara sa karaang panahon”, matud ni Bryner Diaz, pangulo sa CHAO.

Nagkanayon si Diaz nga dili malikayan nga molubad ang kolor sa historical markers gumikan sa init, uwan ug abog.

Nipadayag si Diaz sa iyang kalipay gumikan kay walay nag-vandal sa markers diin nagpakita kini sa saktong disiplina sa mga tawo.

“Kanang markers kay magsilbi mana nga handumanan sa mga importanteng panghitabo kaniadto”, ni Diaz pa.

Ang pagpreserba sa kasaysayan naghatag og bili sa mga panghitabo sa unang mga panahon.

Lakip sa giatiman sa CHAO ang nagkadaiyang monyumento sa mga bayani. BDB (BANATNEWS)