Sobra P3 milyones nga shabu nasakmit sa duha ka operasyon sa CCPO

MANILA, Philippines — Kapin sa P3 milyones balor sa illegal nga drugas ang nasakmit sa managlahing buybust operation sa kapolisan sa Dakbayan sa Sugbu niadtong adlaw nga Biyerned ug Sabado.

Nasakmit sa Regional Police Drug Enforcement Unit ( RPDEU PRO)7 pinangulohan ni Police Lieutenant Bonifacio Tañola Jr. ang 150 gramos sa gidudahang shabu nga mo balor og P1, 020,000.00.

Ang mga dinakpan mao sila si 1: Eliazar Arnado Book, a.k.a. “Elel”, 36 ug si Maprecila Fajardo Yamit, 37 kinsa nadakpan didto sa Villa San Pedro 2, Barangay Basak Pardo, Cebu City, alas 9:40 Biyernes sa gabii.

Nasakmit gikan kanila ang nag kadaiyang putos sa gidudahang shabu.

Samtang ang City Intelligence Unit sa Cebu City Pilice Office pinangulohan ni Police Lieutenant Colonel Allan Rosario ubos sa kamandoan ni Police Colonel Ernesto S. Tagle mipahigayon og buybust operation  alas 2:00 sa hapon adlaw nga Sabado Agosto 20,2022 diha R. Duterte St., Banawa, Barangay Guadalupe. Si Police Lt. Dave Vilaluz Deputy sa CIU CCPO ang nangulo sa maong operation ug miila sa dinakpan nga si Ramses Ceneza Racho alyas “ Patis,” 38, nakuhaan og 300 gramos nga gidudahang shabu nga mobalor kapin sa P2 milyones.

Matud pa ni Vilaluz si Racho og maka dispose og 500 gramos ngadto sa usa ka kilong shabu kada semana ug moabot sa Southern ug Northern Cebu ang area ni Racho.

Padayon pa ang ilang pagimbestigar aron mailhan kung diin nagagikan ang shabu nga ilang nasakmit kang Racho.— Romeo Marantal/IBM