Mga spaghetti wire gipanghipos sa Cebu City

CEBU, Philippines — Si Konsehal Jerry Guardo, chairman sa committee on infrastructure sa konseho sa Dakbayan sa Sugbo nagkanayon nga niadtong adlaw’ng Lunes gisugdan nila og convene ang team nga maoy gitahasan sa pag-atiman sa mga wire nga naglambod. Human na-convene ang grupo nagsugod dayon sila sa pagtrabaho diin una nilang giatiman ang spaghetti wires diha sa likod nga bahin sa Cebu City Hall.  Si Guardo nagkanayon nga ang paghipos sa mga naglambod nga wire kabahin sa corporate social responsibility sa telecommunication companies.

Ang mga telecommunication companies nagpahigayon og clearing operation apan gihulagway niini nga dili epektibo ang individual approach ug gikinahanglan ang kagamhanan sa Siyudad sa Sugbo nga mangulo sa paghipos sa spaghetti wires.

Matud ni Guardo nga makita diha sa mga kadalanan sa Siyudad sa Sugbo nga 60 porsyento sa mga wire mga dead wire pasabot niini dili na functional o active ug kinahanglan na nga tangtangon.

Dugang ni Guardo nga atol sa proseso kong adunay ma-identify nga nagsandig nga poste o bali nga poste ilaha usab kining tangtangon.

“Mo support ra gihapon sila mga telcos pabilin ra gihapon kay gipaktia namo sila one of the photo in front of MCWD pito kabuok poste in one pedestrian, they agree there can be one or two pole ang pwede”, ni Guardo pa. —BDB (BANATNEWS)