Duha ka kawani sa Lapu-Lapu City positibo sa drugas
CEBU, Philippines — Duha ka mga casual nga empleyado sa Lapu-Lapu City Hall ang nagpositibo sa random drug test nga gipasiugdahan sa buhatan sa City of Lapu-Lapu for Substance Abuse Prevention nga gipahigayon niadtong Miyerkules Hunyo 8, 2022
Si Gary Lao, executive director sa CLOSAP, miingon nga naglakip sa maong mga empleyado nga ilang gi-drug test mga sakop sa Clean and Green ug mga marshals sa City Hall.
Gipaabot pa ang resulta sa confirmatory test una pa hukman ang maong mga kawani kun sila tangtangon sa trabaho o ipabilin.
Matud pa ni Lao 272 ka mga empleyado ang ilang na-drug test ug giapil usab nila ang 192 ka mga empleyado nga wala moapil sa surprise drug test niadtong Hunyo 1, 2022 ubos sa kondisyon nga mapasabot nila ang hinungdan sa wala nila.pag-apil. —IBM (BANATNEWS)
- Latest
