Mandaue nagtinguha nga mahimong drug-cleared city
CEBU, Philippines — Gitinguha karon sa kagamhanan sa Dakbayan sa Manduae nga madeklarar nga drug -cleared city karong tuiga.
Kini human pormal nga gipasidunggan niini niadtong Mayo 2, 2022 ang walo ka barangay nga una nang nadeklarar nga drug cleared.
Ang mga barangay nga gihatagan og certificate of recognition sa city government ug sa Philippine Drug Enforcement Agency sa Central Visayas (PDEA-7) mao ang Paknaan, Tabok, Casili, Opao, Bakilid, Tawason, Tingub, ug Subangdaku.
Lakip sa rekisito una madeklarar nga drug cleared city gikinahanglan nga madeklarar nga drug cleared usab ang 27 ka barangay sa siyudad.
Ang siyudad mihatag usab og P500, 000 nga incentive ngadto sa ubang drug-cleared barangays nga wa pa makadawat sa incentives aron magamit sa panginabuhi sa mga tawo nga mitabang pagsumpo sa illegal nga drugas.
Suma pa ni Thessa Albaño-Tiuzen, investigation agent sa PDEA-7’s Chief Operations Division, nga ang tinuod nga sukdanan sa kalamposan sa kampanya batok sa illegal nga drugas mao ang kahimtang sa katawhan nga nahibalik sa normal human maka rekober ug makalikay sa paggamit sa illegal nga drugas.— MEL (BANATNEWS)
- Latest