P162.29 milyones Supplemental Budget sa Lapu-Lapu aprobado na

CEBU, Philippines — Giaprobahan na sa konseho sa Dakbayan sa Lapu-Lapu ang supplemental budget II human sa pito ka semana nilang pagtuki sa ordinansahon nga nagtugot kang Mayor Junard “Ahong” Chan sa pagpagawas og P P162.29 milyones nga pundo.

Ang maong pundo gamiton sa pagpalit sa coronavirus vaccine ug birthday gift alang sa senior citiuzens sa siyudad.

Matud ni Chan nga ang nasinati nga kalangan sa  pagpagawas og pundo   nakaapekto kini sa pagpamalit og birthday  gift sa senior citizens. Gawas niini, tipik sa nahisgutang pundo gamiton sa pagpalit og vaccine batok sa COVID-19.

Nasayran nga sa niaging tuig ang mga senior citizen sa dakbayan ang gihatagan sa ilang incentives sayo sa bulan sa Mayo ug dili sa Hunyo tungod kay niining panahon sa pandemic ang mga senior citizen nagkinahanglan kwarta nga ilang magamit.                                  

Giingong ang buhatan sa mayor nipadayag sa ilang reklamo sa pagkalangan og paggawas sa pundo alang sa birthday gift sa mga senior citizen  nga gilaoman  nga magsugod na unta kini sa niaging bulan sa Abril. BDB (BANATNEWS)