2 ka sunog miulbo sa Brgy Tisa usa ka bata napaso

CEBU, Philippines — Duha ka sunog ang niulbo kagahapon diha sa Barangay Tisa, Dakbayan sa Sugbo.

Unang sunog niulbo alas 10:06 sa buntag diha sa Sitio Bayong, Barangay Tisa nga naglangkob sa usa ka residential 2 storey structure nga giingong gipanag-iya ni Antonio Atillo.

Ang maong sunog giisa lang sa 1st alarm ug hingpit nga nakontrolar alas 10:16 ug hingpit nga napawong ang kayo alas 10:29.

Wala hinooy nakalas sa maong sunog apan usa ka bulan nga bata ang nakaangkon ug 1st degree burn sa iyang tuo nga kamot.

Gibana-bana nga moabot ra sa 25mil ka pesos ang danyos, diin 2 ang hingpit nga naugdaw ug usa ang partial nga nakan-an sa kayo ug pito ka tawo ang apektado.

Si Fire Officer 3 Emerson Arceo, ang fire investigator miingon nga padayon pa ang ilang imbestigasyon sa hinungdan sa maong sunog.

Laing sunog usab ang niulbo sa may Sitio Nangka sa mao ra gihapon nga barangay pagka alas dose sa udto sa panimay nga gipanag-iya ni Romulo Flores.

Sumala pa ni Arceo, napawong na ang kayo pag-abot sa mga bombero ug duna lang kini danyos nga P200 ug partial lang nga nakan-an ang maong panimalay. —MEL (BANATNEWS)