Mga Oponganon gipasidan-ang kanunay motuman sa health protocols

CEBU, Philippines — Ang kagamhanan sa Dakbayan sa Lapu-Lapu padayon kining nag-awhag sa mga Oponganon sa pagtuman sa minimum health protocols lakip niini ang pagsul-ob og face mask, face shield ug social distancing.

Kini nunot sa pagsaka sa gidaghanon sa kaso sa COVID-19 sa siyudad diin niining ulahi lang ang siyudad nakatala og 101 ka bag-ong kaso.

Si  Grace Carungay, hepe sa Lapu-Lapu City Epidemiology and Surveillance Unit (CESU) nagkanayon nga nahibaw-an ang maong pagsaka sa mga natakdan sa virus human sa ilang pagpaubos sa swab testing bisan pa man kon walay timailhan o symptoms sa virus.

“Ang mga nasayod na nga na-expose o naa na silay gibati sa lawas dili sila magpa-isolate dayon sa ilang pamilya nga maoy hinungdan sa panagtakod”, matud ni Carungay.                                      

Nunot niini, giawhag  ni Carungay  ang mga Oponganon nga bisan anaa lang sa panimalay mag-sul-ob og face mask, face shield, social distancing, panghunaw sa mga kamot gamit ang tubig ug sabon o alcohol. —BDB (BANATNEWS)