Mga vendors sa Basilica temporaryong ibalhin
Cebu, Philippines — Moabot ngadto sa 165 ka vendors nga nagpalibot sa Basilica Minore del Sto. Niño ang temporaryong ipahimutang sa area doul sa Compania Maritima sa dili pa moabot ang adlaw sa misa de gallo karong Disyembre 16.
Suma pa sa hepe sa Cebu City Prevention Restoration Order Beautification and Enhancement (PROBE) nga si Raquel Arce nga gipaabot ang pagdagsa sa mga tawo sa simbahan ug hangtud na kini sa Sinulog ug sa kasaulogan sa ika-100 ka tuig sa Christianity sunod tuig.
Pipila ka vendors nga maapektohan nini mao ang nagpuwesto sa D. Jaskosalem Street, P. Zamora Street, ug Osmeña Boulevard nga nagtinda og buwak, kandila, pagkaon, pasalubong items ug uban pa.
Suma pa ni Arce nga nahukman ang pagbalhin sa mga vendors human sa panagtigom tali sa kagamhanan sa Siyudad sa Sugbo ug sa kapolisan.
Malaumon si Arce nga makasabot ang mga vendors sanglit alang ra man usab kini sa kaayohan sa kadaghanan ilabi na ang paglikay sa kahout sa mga tawo. ( BANAT NEWS)
- Latest