Dugang polis bansayon alang sa tourist spots sa probinsiya
CEBU, Philippines — Ang hepe sa Cebu Provincial Police Office Police Colonel Aladdin Collado nagplano nga modugang og mga polis nga ipaubos sa training pag-handle sa mga turista sa Probinsiya sa Sugbo.
Si Collado nagkanayon nga makig-alayon sila sa Department of Tourism (DOT)-7 aron mabansay ang mga mapili nga polis.
Matud ni Collado nga augmentation sa mga tourist police ang gikinahanglan ug dili na moumol og task force ang CPPO.
Si Gobernador Gwendolyn Garcia niluwat sa Executive Order No. 20-B pag-umol sa Cebu Provincial Task Force sa Probinsiya sa Sugbo diin apil ang provincial director sa CPPO isip miyembro niini.
Subay niini, giklaro ni Garcia nga dili mga turista ang nag-viral nga hulagway diha sa social media nga mga tawo nga nangaligo diha sa dagat sa Isla sa Bantayan nga wala mag-face mask.
Matud ni Garcia nga si Mayor Ithamar Espinosa sa Lungsod sa Santa Fe nagkanayon nga wala pay mga turista nga ni-booking nga mobisita diha sa ilang lugar. Ang mga turista nga moadto sa Isla sa Bantayan kinahanglan kini og confirmed booking aron makalukat og two way ticket aron makalusot ug makatabok ngadto sa isla. /BDB (BANATNEWS)
- Latest