Mga ginikanan naglisud pagtabang sa mga anak
CEBU, Philippines — Ang mga magtutudlo nga ubos sa Department of Education (DepEd) sa Mandaue City Division andam sa pagtabang sa mga ginikanan nga naglisod sa pagsabot sa learning modules sa ilang mga anak.
Si Dr. Nimfa Bongo, DepEd Mandaue City Superintendent miingon nga ilaha kining buhaton tungod duna silay nadawat nga mga report nga dunay mga ginikanan nga naglisud pagtabang sa ilang mga anak sa ilang modules.
Kun ang mga ginikanan naglisod sa pagsabot sa learning modules samot nang dili makasabot ang ilang mga anak.
Giangkon ni Bongo nga usa kini sa mga dagkong hagit karon sa mga ginikanan pagtudlo sa ilang mga anak pinaagi niining distance learning nga diin kinahanglan nilang molingkod kauban ang ilang mga anak sa pagtuon. /IBM (BANATNEWS)
- Latest
