Mga durugista sa Minglanilla ug Mandaue sikop

CEBU, Philippines — Nikabat sa napulo ka tawo kinsa nalambigit sa ginadiling drugas ang nasikop atol sa gipahigayong buy bust operation sa kapolisan sa Lungsod sa Minglanilla ug Dakbayan sa Mandaue atol sa Biyernes Santo.

Ang mga suspetsado mao sila si Arnold Batiancila, Ricky Delate, Gleween Gerali, Alvin Jay Balderama, Jimmy Murillo, Aldrin Reroma, Cesar Radan, Vincent Taraya ug Rogelio Ebora parehong mga hingkod ang panuigon. Si Police Major William Homoc, hepe sa Minglanilla Police Station ang nangulo sa maong operasyon. Nasakmit gikan sa mga suspetsado ang mga pinutos nga ginadiling drugas nga nitimbang tanan ngadto 2.12 gramos ug nibalor tanan ngadto sa P15 mil ug buy bust money.

Sa laing bahin, nasikop sa kapolisan sa Presinto 4 sa Mandaue City Police Office diha sa Barangay Casuntingan si Nestor Alcover, 40-anyos, residente sa maong lugar. Nasakmit gikan kang Alcover ang lima ka gramong shabu  nga nikantidad og P34,000. Romeo T. Limpangog/BDB (BANATNEWS)