255 mananagat naapektahan ni Ursula

CEBU, Philippines — Daghang mananagat sa Northern Cebu ang naapektuhan sa Bagyong Ursula human kini mikuso-kuso sa maong lugar niadtong bisperas sa Pasko ug sa adlaw gyud sa Pasko.

Matod sa Public Information Officer sa Bureau of Fisheries and Aquatic Resources (BFAR)-7 Alma Saavedra base sa ilang partial report nga nadawat moabot sa 255 ka mananagat ang naapektuhan sa Bagyong Ursula.

Gibana-bana nga ang danyos niini naa sa P14.98 million nga gilangkuban sa walo munisipalidad nga mao ang Sta. Fe, Bantayan, Daanbantayan, Medellin, San Remegio, Tabogon, Compostela ug Asturias ug usa ka siyudad nga mao ang Bogo City.

Moabot sab sa 119 ka motorized banca ug 12 ka non-motorized banca ang matod pa na-damage.

“Most of the damages were from seaweeds kining atong guso about 8.5 hectares in totality ang na-damage sa Northern Cebu and sa atong mga banca these is yet to be revalidated kay duna namay advice bitaw nga dunay incoming nga bagyo ang among na-wonder nganong ingon kadaghan ang motorized boats nga na-damage nga duna namay advice we were expecting that ila na intawon gipanghipos unta ilang mga boats,” asoy ni Saavedra. Kun mahuman ang tanang municipalities sa pag-submit sa ilang damage report ang BFAR mo-revalidate niini. Gumikan kay dili man dayon moabot ang pundo gamiton sa BFAR-7 ang ilang regular funds alang sa 2020 pagtagang assistance sa mga mananagat.  IBM (BANATNEWS)