Gipatay, ilubong unta sa hilom

CEBU, Philippines — Gipatay ug gilubong sa hilom ang usa ka lalaki nga gidudahang adis-adis diha sa Sitio Ilang-Ilang, Barangay Lagtang, Dakbayan sa Talisay.

Si Kapitan Chester Salcedo sa Barangay Lagtang nibutyag padung na unta siya nga matulog sa dihang adunay nipahibawo kaniya nga adunay tawo nga gilubong diha duol sa basketbolan niadtong Lunes sa gabii.

Dali niya nga giadto ang mga barangay tanod aron susihon ang taho ug didto ilang nakita ang patay’ng lawas nga niaksyon na og kabaho maong nitawag sila dayon og polis.

Siya nagkanayon nga way bisan usa sa iyang mga sakop ang nakaila sa maong tawo.

Ang mga nirespondeng polis naka-recover og usa ka DVD case nga adunay sulod nga tinfoil ug forceps nga giluklok sa shorts sa patay’ng lawas.

Dugang pa ni Kapitan Salcedo nga posible nga gipatay sa laing lugar ang biktima dayon diha lang sa ilang dapit gisuwayan paglubong sa mga wala pa mailhing mga mamumuno. (/IBM)(BANATNEWS)