Walo sikop sa illegal swertres
CEBU, Philippines — Nadakpan sa akto sa niaging Sabado sa gabii ang walo ka tawo nga nagpasiugsda og ilegal nga swertres sa Sitio Masiwa, Marigondon, Dakbayan sa Lapu-Lapu.
Si Police Lieutenant Colonel Mark Gifter Sucalit, hepe sa City Intelligence Branch sa Lapu-Lapu City Police Office ang nidakop sa walo ka tawo nga naglakip sa usa ka job order nga kawani sa kagamhanan sa dakbayan.
Giila ni Sucalit ang mga nadakpan nga sila si Cristina Amodia Ygonia, 49; Ivy Amodia Inso, 43, nagtrabaho isip job order sa City Hall ug Rashel Abordonado Sabang, 37, pulos nagpuyo sa maong dapit.
Dugang nadakpan sa mao gihapong lugar mao sila si Apolinario Gallardo Abordonado, 62; Alsula Espinosa Jr, 66; Marcelo Palma Orcales, 75, ug Salvadora Bonghanoy Orcales, 69, pulos nagpuyo usab sa maong dapit.
Nunot sa pagkasikop sa mga suspek maoy nasakmit ang nagkadaiyang mga ballpens, tally sheets nga may mga numero sa swertres, mga calculators, mga stubs nga may sulat nga numero sa swertres ug mga cellphones. Nasakmit usab sa kapolisan ang mokabat sa P1,981 nga salapi nga gituohang halin sa maong ilegal nga swertres nga malakip sa ebidensiya nga ipasaka sa kapolisan sa kalapasan sa ilegal nga swertres human ang Small Town Lottery gipahunong pa sa pagkakaron. (/GMR)(BANATNEWS)
- Latest