Electrician nakuryentihan
CEBU, Philippines – Patay ang usa ka electrician human nakuryentihan samtang nag-wiring sa ikaduhang andana sa Patria De Cebu Dormitory Ext. P. Gomez Street, Barangay Santo Niño ning Dakbayan sa Sugbo, Miyerkules sa gabii.
Ang namatay mao si Gilbert Getubig, minyo, taga Barangay Lagtang, Dakbayan sa Talisay. Base sa inisyal nga imbestigasyon nag-instalar og wirings sa kuryente diha sa kisame si Getubig.
Apan nahibulong ang iyang mga kauban nga wala na kini ninaug sa nahimutangan niini lapas na sa oras sa ilang trabaho. Tungod niini ilaha kining gisangpit apan wala motubag hinungdan nanawag nalang og pulis aron sutaon kung asa dapita sa gikatkatan ug gisudlang kisame kini nahimutang.
Ang mga sakop sa Bureau of Fire Protection daling misusi sa maong kisame ug didto kini nakit-an nga nigahi na. Matud pa nga nagkupot pa kini og pliers ang tuong kamot samtang ang wala nga kamot niini naghupot pa sa electric junction box nga gipalibutan og mga wires.
Ang personnel sa Waterfront Police Station nga gipangulohan ni PSMS Erasmo Rosel Jr. ug kauban lakip usab ang mga tinugyanan sa BFP 7 Ems nga gipangulohan ni FO3 Estilbert Legoro, ug mga tanod sa Barangay Santo Niño ang nitubag usab sa maong alarma. (/IBM)(BANAT NEWS)
- Latest
