Wanted sa kasong rape sikop

CEBU, Philippines – Nasikop pinasikad sa warrant of arrest ang usa ka 18-anyos nga lalaki kinsa wanted tungod sa kasong pagpanglugos kagahapon sa kadlawon diha sa Barangay Tominjao, Lungsod sa Daanbantayan.

Ang suspetsado mao si Marjun Arcenal, residente sa nahisgutang lugar.

Ang hepe sa kapolisan sa Dakbayan sa Bogo Police Lieutenant Colonel Emelie Santos nagkanayon nga nakig-alayon sila sa kapolisan sa Daanbantayan aron nga madakpan ang suspetsado kinsa giingong top 2 most wanted sa Dakbayan sa Bogo.

Ang maong warrant of arrest batok sa suspetsado giluwatan ni Regional Trial Court (RTC) Judge Jennifer Singco sa Branch 79 sa Dakbayan sa Bogo.

Ang suspetsado nagtingkagol diha sa detention cell sa Bogo City Police Station. (/BDB)(BANAT NEWS)