Socialized housing kinahanglang nagsubay sa standards- PBB

CEBU, Philippines – Ang Partido ng Bayan ang Bida o PBB Partylist moduso og usa ka balaodnon nga kinahanglang adunay “standards” ang mga tukorong socialized housing projects sa tibuok nasud.

Matud pa ni Atty. Imelda “Imee” Cruz, ang first nominee sa maong partylist sa presscon kagahapong adlawa adbokasiya nila nga makabaton og “disente, maayos, ligtas at abot-kayang pabahay” ang mga Pilipino. Matud niya hangtud karon nagsige lang gihapon ang daghang mga pamilyang Pilipino ug mao kini ang buot sa ilang pundok nga solusyonan.

Alang kaniya, ang mga relocation sites unta nga gitagana sa gobiyerno kinahanglan kompleto nang daan og basic services sama sa linya sa suga, tubig, may karsada ug may kapanginabuhian.

“Eto ‘yung standards na sinasabi ko. Hindi yung kahit saan saan pwede magtayo nang mga housing units,” matud pa ni Cruz.

Nanghinaot si Cruz nga makita sa mga Sugboanon ang kamahinungdanon sa ilang adbokasiya nga dili konektado ni bisan kinsang dagkong partido sa politika o mga politikong pamilya. (/IBM)(BANAT NEWS)