KTV bar ug bodega sa Tipolo naugdaw
CEBU, Philippines — Naundang una ang operasyon sa usa ka KTV bar nga nahimutang sa dalan M.C. Briones sa Barangay Tipolo, Dakbayan sa Mandaue dihang miulbo ang kayo kagahapon sa kaadlawon nga nagbilin og danyos nga mokabat sa tunga sa milyon ka pesos.
Ang sunog naglambigit sa K45 KTV bar o kanhi Club Hareem. Nakasinati usab og kadaut ang tapad niini nga Homeland Furniture nga nadali og salbar pag-abot sa kabomberohan.
Nasayran nga nadawat sa kabomberohan ang alarma sa sunog alas 12:53 sa kadlawon ug giisa sa second alarm ala 1:01 ug nakontrolar ala 1:46 ug hingpit nga na fire out alas 4:37.
Dugang imbestigasyon ang himoon aron masuta kon unsa gyud ang hinungdan sa sunog. Wala hinooy gikatahong nakalas o naangol sa maong insidente. (BANAT NEWS)
- Latest