Armado sa Danao sikop

CEBU, Philippines — Sikop ang 44-anyos nga lalaki sa joint entrapment operation sa Provincial Intelligence Branch, Provincial Drug Enforcement Unit ug  Danao City Police Station nga gipangulohan ni Chief Inspector Rey Christopher Natnat sa may P.G. Almendras St., Danao City.

Ang nasikop mao si Edcel Densing, minyo ug residente sa maong lugar.

Nasikop si Densing, tungod sa kalapasan sa Republic Act 10591.

Nakadawat og taho ang kapolisan may kalabutan sa paghupot og armas sa dinakpan hinungdan nga gipahigayon ang operation.

Nasakmit gikan kang Densing ang usa ka caliber .45 nga adunay usa ka magazine ug usa ka KG9 nga adunay duha ka empty magazine.

Ang dinakpan kasamtangan una nga gitanggong sa prisohan sa kapolisan sa Dakbayan sa Danao samtang giandam ang kaso nga ipasaka. (BANAT NEWS)