Babaye naglutaw sa dagat patay

CEBU, Philippines – Patay na nga napalgan ang usa ka babaye nga naglutaw sa kadagatan sa Lambug, Lungsod sa Badian niadtong Miyerkules sa gabii.

Ang babaye giila nga si Toria Harden Banle, residente sa Sitio Bitin, Barangay Bato sa maong lungsod.

Siya nakit-an nga naglutaw sa dagat ni Amiel Navales usa ka security guard sa Green Island Resort sa maong lugar ug dali kining nitawag sa Badian Police Station.

Ang lawas ni Banle gidala pa sa Badian District Hospital apan gideklara nga patay na.

Ang biktima giingong adunay problema sa pangisip ug kanunay na kining maglakaw-lakaw ug maligo sa maong dapit. (CNU Intern/GMR)(BANAT NEWS)