Tommy way plano dagan sa SRP minusan
CEBU, Philippines - Wala pay plano si Cebu City Mayor Tomas Osmeña nga minusan ang gikusgon sa mga sakyanan nga mangagi sa South Road Properties bisan sa sunod-sunod nga disgrasya nga naglambigit sa truck de karga ug mga motorsiklo.
Matud sa mayor nga walay kahimanan ang siyudad nga makatabang aron mahibaw-an kung kinsa kadtong mga nag-over speeding.
Apan giklaro ni Osmeña nga sagad sa mga disgrasya nga nahitabo sa SRP dili gumikan sa over speeding apan tungod sa kiatan nga mga drivers.
Hinoon, ang mayor niingon nga iyang gikonsiderar nga mopalit ang siyudad og gamit nga makatabang aron mahibaw-an kung ang mga motorista nga moagi sa SRP nag-over speeding.
“No, because we cannot catch people, we don’t have the asset to catch people. I will consider that, the accident is not really for over speeding, the accident because people are reckless, they make U-turn without looking, like that ba,” sigun ni Osmeña.
Ang Cebu City Transportation Office (CCTO) dunay proposal nga mohimo og motorcycle lane sa SRP aron maminusan ang mga disgrasya sa dapit.
Apan si Osmeña daan na sab nga niingon nga dili siya pabor niini ilabi na kung ang siyudad makagasto og kwarta. (BANAT NEWS)
- Latest