Nationwide transport strike karong Lunes
CEBU, Philippines - Mopahigayon og nationwide transport protest ang militanteng grupo sa transportasyon karong umaabot Lunes, Mayo 22.
Ang Pinagkaisang Samahan ng mga Transport Operators Nationwide kon PISTON mohimo og lihok protesta batok na usab sa plano sa gobiyerno pagwagtang sa mga jeep nga nagpangidaron og sobra sa 15 anyos.
Matud ni Greg Perez, ang coordinator sa PISTON-Cebu nga ang mao nilang kalihukan isip pagsuporta sa ilang counterpart didto sa Metro Manila. Ang ilang kalihukan magsugod sa alas 7 sa buntag adto sa Brgy. Ibabao, Mandaue City, moadto sa Lapu-Lapu City, Cebu City ug Talisay City diin unom ka oras ang ilang igahin alang niini.
Human sa Talisay, ang PISTON-Cebu inubanan sa ilang support groups sama sa mga urban poor, moadto sa buhatan sa LTFRB-7.
Si LTFRB-7 Director Ahmed Cuizon miingon nga katungod kini sa maong grupo apan iyang hangyo nga dili lang magpalabi aron dili maapektuhan ang mga sumasakay. (BANAT NEWS)
- Latest