Subdivision sa Talisay nagubot
(The Philippine Star) - December 18, 2015 - 9:00am

CEBU, Philippines – Nagkagubot kagahapon sa buntag ang usa ka subdivision sa Brgy. Biasong ug ang demolition team sa siyudad sa Talisay human nanukol ang mga residente dihang suway untang gub-on ang ilang gate aron himuong agianan sa bag-ohay nga gitukod nga sikbit nilang subdivision.

Si Mafe Torregosa, usa sa mga residente nitug-an sa Banat News nga gidad-an sila og acetylene torch sa demolition team nga gipangulohan sa igsuon ni Mayor Johny de los Reyes nga si James ug gisuwayan sa paglanay ang puthaw nga gate.

Apan ang mga residente ang nialma ug nisukol ug gipanghapsan og silhig kadtong nag-acetylene hinungdan nga miatras, apan mibalik ug ning higayona kahoy na maoy gipangpuspos kanila maong mipalayo na sila.

Nahunong ang tensyon dihang naabot si Superintendent Germano Mallari, hepe sa kapulisan sa dakbayan sa Talisay kinsa mibutyag nga nagkatinubagay sila sa abogado sa developer sa maong subdivision tungod kay gusto man sa naulahi nga i-implimentar gyud dayon ang demolition order sa mayor.

Gikabalak-an ni Mallari nga magkagubot kun ipamugos kini maong iyang gimandoan sila nga mopauli lang una tungod kay iya unang ikonsulta sa ilang abogado ang mga dokumento sa duha ka habig.

Giklaro niya nga silang mga polis naa ra sa tunga kay ang ilang gilikayan nga magkagubot ang duha ka kampo.

Si Noreida Logronio  nagkanayon nga sila lang nga mga residente ang nakig-atubang sa demolition team tungod kay adunay gilakaw ang ilang mga opisyales sa homeowners.

Siya nagkanayon nga nagsugod kini human ang developer sa subdivision nakapalit sa luna tapad sa ilang subdivision ug gi-develop kini nga usa ka subdivision ug gipaila nga phase 2 nga unta wala man unta kini sa ilang kasabutan.

Matud pa ni Logronio nga gusto sa developer nga gub-on ang koral sa ilang subdivision aron magdugtong ang duha ka dapit ug diha sa ilang karsada paagion ang mga mamuyo sa phase 2 maong ila kini gisupak.

Nasayran nga adunay apelar nga gisang-at ang homeowners ngadto sa Housing and Land Use Regulatory Board (HLURB).(Gabriel Bonjoc/EIM)(BANAT NEWS)

ANG BANAT NEWS GABRIEL BONJOC HOUSING AND LAND USE REGULATORY BOARD ILANG MAYOR JOHNY MGA NGA SI MAFE TORREGOSA SI NOREIDA LOGRONIO SUBDIVISION
Philstar
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with