Nilaban sa kapuyo gipusil sa ama-ama
CEBU, Philippines - Gipusil sa ama-ama ang usa ka tindero human nilaban sa iya’ng kapuyo nga nakig-away kaniya sa Barangay Mohon, Dakbayan sa Talisay kagahapon sa buntag.
Swerte nga wala naigo sa pugakhang si Raymart Gedorio, 23-anyos, nga gipusil ni Lando Bacalso, 35,-anyos.
Si PO1 John Xyros Ilustrisimo sa Talisay City Police Station niingon nga aduna na’y panagbingkil ang suspek ug ang kapuyo sa biktima hinungdan nga nitumaw ang sinukliay og pulong.
Sa diha’ng wala nakaagwanta sa pagpaminaw ang biktima, nilaban siya sa iya’ng kapuyo ug sila na sab ang naglalis sa iya’ng ama-ama.
Wala magdugay nagsinukmagay ug matud ni Ilustrisimo nga nalupig ang suspek hinungdan nga nipunit kini sa iya’ng pugakhang dayon pusil sa biktima duha ka higayon.
Gikatakda’ng pasakaan og kaso ang suspek kinsa kasamtangan pa nga gawasnon. (Gabriel C. Bonjoc/GMR)(BANAT NEWS)
- Latest
