Mga akusasyon batok BBL di tinuod

CEBU, Philippines – Gipanghimakak sa mga government ug Moro Islamic Liberation Front (MILF) (GPH-MILF) peace panel ang mga nanggawas nga mga akusasyon kabahin sa negatibong epekto sa kontrobersiyal ug natanggong karon nga Bangsamoro Basic Law alang sa paghulma og Bangsamoro didto sa Mindanao.

Kini maoy giklaro sa mga chairman sa Government Peace Panel ug sa MILF nga sila si Prof. Miriam Coronel-Ferrer ug Mohagher Iqbal kagahapon atol sa gihimong round table talks sa lokal nga media sa Sugbo nga giorganisar ug gipasiugdahan sa MindaNews.

Usa sa nakita nilang hinungdan, walay pagsalig ang ubang mga Filipino ngadto sa mga Muslim, kahadlok, kasakit tungod sa epekto sa 42 ka tuig nga giyera ug gipun-an pa og sulsol sa mga grupo nga di gustong mamahimong malinawon ang Mindanao. (BANAT NEWS)