Taxi sa Sugbo padugangan og 2,500 units
CEBU, Philippines – Mga tagdumala sa mga hotels ug malls sa Sugbo gikatahong misugyot nga kinahanglang padungagan na ang mga taxi units nga nagdagan dinhi.
Sumala pa sa director sa Land Transportation Franchising and Regulatory Board-7 nga si Rey Elnar ilang i-endorsar ngadto sa kaulohan ang dugang 2,500 taxi units sa Cebu karong semanaha.
Matud pa ni Elnar ang Department of Transportation and Communications hinuon maoy modesisyon kun itugot ang maong hangyo.
"It is beyond my authority to grant their request. DOTC has still to conduct a study on this," matud pa niya.
Sa pagkakaron, adunay moratorium paghatag og taxi franchise ug uban pang public utility vehicles sugod pa niadtong 2002.
"According to the mall and hotel operators in Cebu, there is a need for an additional taxi units especially during peak hours, kuwang gyud og taxi," matud pang Elnar.
Aduna lamang nagdagan karon nga 5,750 taxi units sa Central Visayas ug 5,700 niini nagdagan dinhi sa Sugbo.
Apan matud pa niya, dili tanang 5,700 ang nagdagan kada adlaw tungod kay ang uban posibleng guba ug ang uban giayo.
Midugang si Elnar usa sa gihimong rason sa mga mall ug hotel operators nga posibleng magnihit pa gyud og maayo ang taxi unit kini kun magsugod na og pangabli ang SM Seaside City ug Robinsons Galleria-Cebu. (Gikan sa The Freeman/EIM)
- Latest
