Wa mohatag P100 gidunggab

CEBU, Philippines – Grabe’ng naangol ang usa ka tawo nga gidunggab tungod sa pagdumili sa paghatag sa gipangayo nga P100 alas 2 pasado sa niagi’ng kaadlawon sa sitio Puso, Poblacion, Cordova.

Si Senior Police Officer 1 Laurencio Wagwag sa Cordova Police Station niila sa biktima nga si Edmund Rey Jumao-as, 26, nagpuyo sa mao’ng dapit ug ang nagdunggab mao si Johnny Sobiano, hingkod nga taga Ibabao sa mao’ng lungsod.

Matud ni Wagwag nga nag-inom ang suspek sa mao’ng dapit ug ang biktima nga didto usab mao’y natripan sa pagpangayo og P100 nga nisangko sa mainiton nga panaglalis.

Wala’y daghang pangutana gidunggab ang bukobuko sa biktima samtang dali nga nisibat ang suspek. – /GMR) (BANAT NEWS)