Away sa magsuon miresulta sa paghikog sa call center agent
CEBU, Philippines - Away sa managsuon misangpot sa paghikog sa usa ka call center agent diha sa lawak niini sa sitio Mohon, Barangay Sapangdaku ning dakbayan sa Sugbo.
Giila ang babaye nga biktima nga si Vennis Suarez, 33, call center agent, lumad nga taga Barangay Sasa, Davao City ug temporaryong nagpuyo sa maong dapit.
Ang inahan sa namatay nga si Judy Suarez mibutyag nga naglalis ang iyang mga anak lakip si Vennis. Nianang pagkabuntag gipukaw unta niya kini aron mamahaw apan wa kini mogawas sa iyang lawak. “Day-off man gud niya karon, mao nga buntag na namo siya nga gipukaw para mokaon. Mag-away na sila pero mag-uli ra man pud na sila,†matud pa sa inahan.
Nakurat na lang sila dihang ilaha nang gisubay ang kwarto nakit-an nila kining nagyaka sa iyang higdaan nga dunay hikot nga wire sa liog ug wa nay kinabuhi.
Dugang pa ni Violango nga posibleng mga alas-9 pa sa gabii pa kini naghikog kay dunay tulo ka mga miscalls sa uyab niini gikan sa Canada. Nasayran sab sa Banat News nga gikatakda diay unta nga magpakasal na unta kini sa iyang uyab karong umaabot bulan sa Disyembre. (BANAT NEWS)
- Latest
