^

Banat Balita

Gealon subling miduso sa live-streaming ordinance

Rowena D. Capistrano, Iris Hazel M. Mascardo - Banat

CEBU, Philippines — Giduso karon pag balik sa usa ka magbabalaod sa dakbayan sa Sugbo ang gi-veto nga live-streaming ordinance alang sa pagpahigayon sa bidding aron mapakita ang transparency taliwala sa mga pangutana kabahin sa procurement order sa Palarong Pambansa 2024.

Sa usa ka pamahayag nga giluwatan ngadto sa media kagahapon (Miyerkules), Mayo 29, 2024, si Konsehal Rey Gealon nipahibawo nga iyang gi-refile ang iyang live-streaming ordinance nga unanimous nga giaprobahan sa konseho sa dakbayan apan gi-veto ni Cebu City Mayor Michael Rama pinaagi sa usa ka sulat nga gipadala ngadto sa konseho niadtong Septiyembre 5, 2023.

Matud ni Gealon, pormal niyang gi-refile ang maong ordinansa niadtong Biyernes ug nipaubos sa unang pagbasa sa mga magbabalaod kagahapon (Miyerkules).

Dugang ni Gealon nga lakip sa naka-aghat kaniya sa pag-refile sa ordinansa mao ang paghatag og gibug-aton sa interes sa transparency ug accountability.

“Along with my peers in the Sanggunian, I deem it best that this will be adopted as institutional policy of the city,” matud pa ni Gealon.

Si Gealon, kinsa maoy chairman sa Committee on Laws sa konseho sa dakbayan, nipadayag usab sa iyang pagsalig sa gi-refile nga ordinansa.

"I am willing to go the extra mile in plenary to get this approved” suma ni Gealon.

Dugang pa niini nga ang ordinansa mahimong usa ka haom nga paagi sa paghatag og “hustisya ug fairness” ngadto sa mga opisyal sa gobyerno ug sa tanang partido nga nalambigit sa mga alegasyon ug mga pangutana sa mga procurement alang sa Palarong Pambansa.

Gikataho nga gi-veto ni Rama ang giingon nga ordinansa nga gimugna ni Gealon tungod sa argumento nga kini nakalapas sa Data Privacy Act of 2012.

Sa nasayran gisuspenso ni acting mayor Raymond Alvin Garcia ang procurement activities kun pagpamalit sa mga ekipos nga gamiton sa Palarong Pambansa taliwala sa mga pasangil nga “kickback” sa pipila ka mga konsehal sa dakbayan.

Apan hugtanon nga gihimakak ni acting vice mayor Donaldo Hontiveros, Chairman sa Committee on Sports sa Sangguniang panlungsod ang maong akusasyon.

Sa iyang inisyal nga pag review sa procurement, si Garcia nimando sa pagkanselar sa portalet rentals nga nagkantidad og P18 milyones nga nagkanayon nga mahimo pa kining usbon ngadto sa mas ubos nga kantidad.

Samtang gitun-an karon sa Cebu City Government ang pagpahigayon sa ubang duwa ngadto sa lain-laing lungsod sa probinsya sa Sugbo ug lakip sa mga silingan nga siyudad.

Kini sama nalang sa mga indoors sports nga mamahimong ipahigayon ngadto sa Dakbayan sa Naga ug ang plano ni acting mayor Raymond Alvin Garcia nga ang finals sa basketball didto ipahigayon sa Hoopsdome sa Dakbayan sa Lapu-lapu.

Apan sumala pa ni Garcia nga magpadayon gihapon ang regular days of competition sa Basketball ngadto sa University of San Carlos.

Dugang pa ni Garcia, nga karong Lunes ma finalized na ang mga pagpangandam alang sa Palaro. (BANAT NEWS)

vuukle comment

PALARONG PAMBANSA

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with