^

Banat Balita

Biktima sa budol-budol gang nakig-alayon na sa kapolisan

Decemay P. Padilla - Banat

CEBU, Philippines — Police Office ang 68-anyos nga ginang nga retiradong empleyado sa gobyerno ug biktima sa budol-budol gang sa miaging mga adlaw diin nasakiyo sa mga mangingilad ang tinigom niini sa bangko nga nagkantidad og P700,000.

Si Cebu City Police Office Director Colonel Ireneo Dalogdog personal nga nakighinabi sa biktima.

Mimando si Col. Dalogdog sa Investigation and Detective Management Unit sa Cebu City Police Office nga tan-awon ang kuha sa mga CCTV cameras gikan sa Barangay Bulacao kun asa gasugod ang pagpangilad sa mga suspetsado hangtud na didto sa bangko diin gi-withdraw ang tanang kwarta sa biktima ug nakuha gyud sa mga mangingilad.

Nasayran sab nga dunay laing nabiktima sa budol-budol gang ug kini mao ang 23 anyos nga babaye dihang naglakaw sa Fuente Osmeña aron i-deposito unta ang halin sa ilang restaurant sulod sa tulo ka adlaw gikasugat niini ang duha ka mga edaran nga mga babaye.

Ang maong duha ka mga edaran nangutana matod pa sa biktima labot sa trucking company. Si Police Lieutenant Colonel Gerard Ace Pelare, tigpamaba ni Police Regional Office-7 Director Brigadier General Anthony Aberin miingon nga giimbestigaran na ang maong mga hitabo.

Nagtuo si Lt. Col. Pelare nga dili mohunong ang maong mga suspetsado sa ilang dautang tinguha maong panawagan nila sa publiko nga magmabinantayon kanunay ug dili makig-istorya sa mga tawo nga dili kaila.

Kahinumduman ang kapolisan sa Rehiyon Siete duna nay nadakpan kaniadto nga mga local suspects nga miyembro sa budol-budol gang ug dunay uban motuyo lang og dayo sa lugar aron mamiktima. (BANAT NEWS)

vuukle comment

PNP

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with