Kanhi seaman nakuryentihan patay

CEBU, Philippines - Patay na nga nadiskrobrihan  sa iyang silingan ang usa ka retiradong seaman nga gituohang nakuryentihan sulod sa iyang balay sa barangay Mancilang sa lungsod sa Madridejos.

Ang biktima naila nga si Rufino Lastimoso, 77, molupyo sa barangay Malbago sa samang lungsod.

Base sa imbestigasyon sa kapolisan nakit-an kini sa iyang mga silingan nga patay na sa iyang balay pasado alas 9:00 sa miaging buntag.

Sa pagsusi sa kapolisan ug sa municipal health officer, nasuta nga naputos og second ug third degree burns ang mga parte sa lawas ni Lastimoso nga gidudahang resulta sa pagkakuryenti niini. (BANAT NEWS)