Lalaki gipusil sa iyang silingan patay

CEBU, Philippines - Patay ang usa ka lalaki human kini gipusil samtang naglingkod sa lingkoranan sa sitio Look sa barangay Poblacion sa lungsod sa Argao pasado alas 6:00 sa miaging gabii.

Ang biktima naila nga si Jimboy Sabio, hingkod, molupyo sa maong  lugar samtang ang suspetsado naila nga si Denis Ortiz, 50, molupyo usab sa samang lugar.

Base sa inisyal nga imbestigasyon sa kapolisan naglingkod ang biktima ug ang iyang higala dihang kalit lang miabot si Ortiz ug gipusil dihadiha ang biktima sa tiyan pipila ka higayon.

Mikaratel og dagan si Sabio ug ang wa pa mailhi  niining higala ug misuway og katkat sa koral apan gigukod kini sa suspetsado ug gipusil pag-usab, bisan nakatabok na sa pikas koral, giusban gihapon kini pagpusil una pa mibiya ang suspek.

Daling gidala sa tambalanan ang biktima apan gideklarar na kini nga dead on arrival.

Nadakpan ra usab sa kapolisan si Ortiz ug gitanggong sa karsel sa maong buhatan samtang nagpaabot pa sa kaso nga ipasaka kaniya, gisubay pa ang motibo sa maong pagpusil patay sa biktima.  (BANAT NEWS)