Pamilyang Tabanao natagbaw sa gihimo sa TF
CEBU, Philippines - Natagbaw sa dagan sa imbestigasyon nga gihimo sa City Intelligence Branch ug sa Task Group Tabanao ang biyuda sa gipatay nga agent sa Philippine Drug Enforcement Agency nga si Jessie Tabanao.
Si Katrina Tabanao nga nahinabi sa mga tigbalita miingon nga natagbaw siya sa dagan sa imbestigasyon nga gihimo sa CIB ug sa Task Group Tabanao tungod kay limpyo ug klaro ang han-ay sa imbestigasyon.
“Dako mi’g pagsalig nila (CIB ug Task Group Tabanao) kay klaro man sad gyud nga limpyo ang trabaho ba, klaro gyud han-ay, they left no stone unturned, wala’y question,†sumala pa ni Katrina.
Matud pa niini nga ang iyang pagbisita sa buhatan sa hepe sa CIB nga si Chief Insp. Romeo Santander mao lang ang pag-follow-up sa dagan sa kaso sa iyang bana.
Dugang pa ni Katrina Tabanao nga wala gyud sila magpakitabang sa laing ahensya sa gobyerno gawas sa Task Group Tabanao ug sa CIB tungod kay dako ang ilang pagsalig niini.
Si Tabanao gipusil niadtong Septiyembre 14 ug napasakaan na og kaso ang suspetsado sa pagpusil niini nga si Arnold Soliver sa sayong bahin sa bulan sa Nobiyembre. (BANAT NEWS)
- Latest
