^

Banat Balita

Sandugo Expo ipahigayon ugma

Liezl Mabini Frasno - The Philippine Star

CEBU, Philippines - Gitakdang  buksan na usab sa Department of Trade & Industry (DTI)7  ang Sandugo Regional Trade Exposition 2013 didto sa The Block sa Island City Mall karon, Hulyo 24.

Karon nga anaa na sa ika-8 nga tuig isip regional trade fair, ang Sandugo Trade Expo nakamugna na og kaugalingong ngalan tali sa mga mamamalit ug mga bisita gikan sa nagkalain-laing dapit sa tibuok nasud.

Pinaagi sa pagpanguna ni DTI-7 Regional Executive Director Asteria Caberte ug ubang mga opisyales sa DTI 7, ang exhibit karong tuiga magpasundayag sa mga enterpretasyon sa mga lokal nga mga produkto nga gipatik na sa atong kultura, heritage ug sa kalikopan pinaagi sa pagpanalipod niini.

Ang mga exhibitors sa maong fair mao ang Small and Medium Enterprises (SMEs) gikan sa Central Visayas nga  maglakip sa mga silingang lalawigan sa Kabisay-an ug Mindanao.

Nagdala sa tema nga “Go green. Buy local”, kining maong exhibit modagan gikan Hulyo 24 hangtod 28 nga bukas gikan alas 9:00 sa buntag hangtud sa alas 9:00 sa gabii.

Usa ka hamubong programa ang mobukas sa exhibit karong  alas 4:00 sa hapon sa Activity Center sa Island City Mall nga pagatambungan ni DTI Undersecretary for Regional Operations Zenaida Cuizon Maglaya. 

Ipahigayon usab ang manag-sunod nga paglusad sa SME Roving Academy ug ang MOA signing alang sa Shared Service Facilities (SSF) projects sa DTI isip parte sa opening program. Isunod dayon ang ribbon cutting ceremony nga pagahimuon didto sa The Block sa ICM. (BANAT NEWS)

ACTIVITY CENTER

CENTRAL VISAYAS

DEPARTMENT OF TRADE

HULYO

ISLAND CITY MALL

REGIONAL EXECUTIVE DIRECTOR ASTERIA CABERTE

REGIONAL OPERATIONS ZENAIDA CUIZON MAGLAYA

ROVING ACADEMY

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with