Nasampak patay

CEBU, Philippines - Patay nang napalgan ang usa ka lalaki human kini masampak sa railings miaging gabii diha sa national highway sa Sitio Balatik barangay Casay lungsod sa Dalaguete. Ang biktima nailhan nga si Jokesander Magallano, 33, molupyo sa sitio Lalaan barangay Bulasa lungsod sa Argao. Sa imbestigasyon sa kapolisan sa Lungsod sa Dalaguete, ang biktima paatubang sa habagatan sakay sa iyang motorsiklo apan giingong nawad-an kini og control ug nasampak sa railings. Tungod sa kakusog sa impact nalagpot ang biktima ngadto na sa aspaltadong dalan nga nag-una ang ulo nga maoy nakaingon sa iyang kamatayon. (/EIM) (BANAT NEWS)