Paghubog-hubog sud sa opisina sa goberno higpit nga gidili

CEBU, Philippines - Higpit nga   gidili  ang pagdala  ug moinom og mga ilimnon nga makahubog  sulod  sa mga opisina  sa gobyerno.

Kini   gipahinumdom  sa Civil Service Commission (CSC) sa mga empleyado sa goberno base sa CSC Resolution  No.1100039 nga hugot nga nagdili  sa pag-inom og mga ilimnon nga makahubog sa opisina  sa  kagamhanan.

Ang CSC7 hugot  nga  mipatuman  niini base  sa gimando ni CSC Chairman Francisco Duque, kinsa  nagkanayon  nga  ang pag-inom sulod sa oras   nga tingtrabaho o pagsulod sa trabaho nga nakainom,  nahilakip  sa  mga sala  nga  administratiba , ug  may linahi  nga  silot  gikan  sa paglapas   sa balaod  bahin  sa habitual drunkenness.

Hinuon  gitugot lamang nga mo-inom ang mga empleyado kun adunay programa, special events ug kun may pagsaulog sa mga local customs ug tradisyon.

Apan   ang  ipainom  mao  lamang  kadtong  gitawag  nga malt ug red wine  apan  sa gihapon   higpit  nga  gidili  ang paghubog-hubog.

Mahimong manubag ang empleyado,   lakip  na ang  hepe  sa opisina  sa panahon  nga  may  mga  kaso  nga  mobangon  bunga  sa pag-inom  sulod  sa opisina  sa kagamhanan.

Ang masakpan nga nakainom o naghubog-hubog sa oras sa trabaho mahimong masuspensu og usa hangtud  unom  ka buwan sa unang higayon.

Samtang kun mausab pa , mahimong matangtang na sa trabaho ang masakpang empleyado.  (BANAT NEWS)