Radaza ug Pelaez nagkinihaay

CEBU, Philippines - Giplano   ni Mayor Paz Radaza sa dakbayan  sa Lapulapu nga mopasaka   siya og kaso batok sa  pildero  niyang  kaatbang  nga   si Efrain Pelaez. Si Radaza nga nahinabi sa mga tigbalita sa press conference   kagahapon  nagkanayon   nga  gihipos  pa  nila  ang  dugang  mga  ebidensya  aron pagpabug-at  sa kaso  batok  kang  Pelaez.

Pipila  sa maong  mga  kaso  mao  ang   pagpamalit  ni  Pelaez og boto , kansang   mga  botante  nga  nabayran  mipirma  na  og  apidabit.

Sayo  niini si Pelaez  mipasaka og reklamo ngadto sa Commission on Election (COMELEC) pagpa—disqualify kang Radaza tungod sa pagpamutang sa   mga campaign material  niini gawas  sa common poster area.

Apan si Radaza  nagkanayon  nga  gawas  sa  vote buying  , laing kaso  nga  iyang  ipasaka  batok  ni Pelaez mao  ang  pagpanghatag  niini  og  pagkaon  sa  mga  tawong  mitambong  sa rally  sa maong  negosyante  niadtong  naghinangat  ang  election.

Si Radaza ug ang nasubliang   mga sakop sa konseho  naproklamar   na sa mga sakop sa board of canvasser niadtong miaging hapon. (BANAT NEWS)