Kapakyas sa Alayon pagtambong sa rally sa LP gipasabot
CEBU, Philippines - Grupo sa Alayon Party o administrasyon sa dakbayan sa Talisay buot untang motambong sa proclamation rally sa Liberal Party niadtong Martes diha sa Tabunok Sports Complex apan wala modayon tungod kay nagtuong ang presidente sa nasud nga si Benigno Simeon Aquino III dili maabot.
Gikataho nga ang grupo sa Alayon posibleng ma-boo-han kini sa mga tawo nga mga supporter sa LP kung mitambong pa sa nahisgutang rally.
Ang LP duna kini mga kaugalingong mga kandidato sa pagka-mayor, bise mayor, konsehal, gobernador ug senador. Ang apo ni Kongresista Eduardo Gullas nga si Gerald Anthony “Samsam†Gullas nga nahinabi sa mga tigbalita kagahapon nagkanayon kini nga andam na niadtong higayona ang ilang grupo nga motambong sa maong rally apan human sila makabati sa balita sa TV ug sa tweeter nga dili modayon og tambong sa rally ang presidente tungod kay wala kini madayon og adto sa dakbayan sa Dumaguete.
Kahinumduman nga si Talisay City Councilor Romeo Villarante nagkanayon kini nga maayo usab nga wala motambong ang grupo sa Alayon tungod kay posible kining ma-boo-han sa mga tawo.
Si Samsam nagkanayon kini nga “I think si Atty. Villarante is entitled of doing his opinion….But to the point of “booing†may pag miadto mi aron mahibawo mi kung boo-han ba unta miâ€.
Giklaro ni Samsam nga ang plano sa grupo sa pag-adto unta sa rally mao ang pagsuporta sa programa sa presidente ug gawas niini duna silay tulo ka alyado sa LP.
Apan matud ni Samsam nga si Kongresista Gullas mitanyag nga adto lang unta sa Sports Complex sa Poblacion ang rally ug gipabakante gani kini apan ang LP giingong buot nga anha sa Sports Complex sa Tabunok ipahigayon ang kalihukan.
Samtang si Bise Mayor Alan Bucao niadtong higayona mibutyag kini sa mga tigbalita nga gipaandam na ang Talisay City Sports Complex pagpanagana nga adto sa maong lugar ipahigayon ang rally tungod kay hamugaway kini ilabina sa parking area sa mga sakyanan. (BANAT NEWS)
- Latest
