^

Banat Balita

Voters registration sa tunghaan giawhag

- Ni Sanden J. Anadia/EIM -

CEBU, Philippines - Ang konseho sa syudad sa Sugbo miawhag sa mga nagkadaiyang unibersidad ug kolehiyo nga modangop sa buhatan sa Commission On Elections (Comelec) aron mopahigayon og off-site registration sa ilang mga tunghaan aron matagaan og kahigayonan ang mga kabatan-onan nga makaparehistro.

Sumala pa ni Konsehal Alvin Dizon nga kinahanglan gyud nga ipatuman sa kabatan-onan ang Declaration of Human Rights (UDHR) nga naghatag og katungod sa mga tawo nga makasalmot mga kalihukan sa gobiyerno sama sa pagbotar.

Nasayran nga nagpadayon gihapon hangtud karon ang nagkadaiyang off-site registrations sa Comelec ngadto sa nagkadaiyang barangay.

Sumala pa ni Dizon nga dako kaayo og ikatabang ang mga offsite registrations ilabi na sa mga tawong maglisod na og adto sa buhatan sa Comelec para moparehistro.

Ang offsite registration mahitabo kasagaran matag Sabado ug Domingo aron maghatag og kahigayonan sa mga tawo nga dili makalugar og adto sa Comelec sa laing mga adlaw.

Matud pa ni Dizon nga nagkaduol na ang 2013 ug importante kaayo ang partisipasyon sa mga kabataan.

Ang konseho mopadangat sa kopya sa resolusyon ngadto sa Comelec ingon man usab sa Commission on Higher Education (CHED) Regional office aron mao na usab kini ang mopakatap sa impormasyon ngadto sa mga unibersidad ug kolehiyo.

Matud pa niya nga usa usab sa responsibilidad sa mga tunghaan mao ang pag-edukar sa ilang mga tinun-an sa ilang mga katungod ug obligasyon ngadto sa gobiyerno. (BANATNEWS)

COMELEC COMMISSION ON ELECTIONS DECLARATION OF HUMAN RIGHTS DIZON HIGHER EDUCATION KONSEHAL ALVIN DIZON MATUD SUMALA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with