^

Kanal-kanal sulod sa simbahan

- Ni Marlon Bellita () - May 28, 2012 - 12:00am

CEBU, Philippines - Nakakita ka na ba og babaye o lalaki nga ang kanal-kanal sa iyang sampot misuyla na sa gisul-ob nga purol o karsones?

Ig-agaw nga babaye sa akong Misis basta gani makakita sa ingong talan-awon mosinggit dayon og "Hubasa Oy!" (Toink!)" Hehehehehehehehe!

"No earth" gyud tawon ang hingtungdan nga sagad makita sa mga nagsakay og trisikad, motorsiklo o kanang magpungko.

Nisangko ang akong lihok nga panghunahuna sa maong talan-awon samtang nalingaw ko sa wali ni Padre Mike Hisoler sa Pardo sa iyang misa gahapon nga naghisgot og kanal-kanal sa dughan. Matud ni Pader Mike nganong tuyoon man gyud sa uban ang pagsul-ob og mga sapot nga mosuyla ang matag tampi sa duha ka dughan inig simba. Makabalda ni matud pa ni Padre Mike sa tingob nga panghunahuna sa mga Lay Minister pagpakalawat kay dili man kalikayan nga masangit ang mata sa daylang kaayong kanal-kanal(Toink!/Aguy!). Hehehehehehehehehe

Migimok sab dayon ang akong yagayagaong hunahuna sa pag-ingon "good material" (Toink!). (Dihay Pari nga gwapo mitotok sa dughan sa usa ka seksi nga babaye pagpakalawat) 

Seksi: Padre nitotok lagi ka sa akong dughan naibog ka sa akong kanal-kanal?

Pari: Ha! ah! wala oy naibog gud.

Seksi: Unya pwerte man lagi nimong totok bi.

Pari: Naa lang koy gipangita.

Seksi: Unsa man?

Pari: Asa dapit ang manhole(Toink!/Aguy!)

Bwahahahahahahahahahahahahaha!

Samtang nagngisi ko sa wali ni Pader Mike nilibot dayon ang akong mga mata sa simbahan og duna bay babaye nga maigo nga posebling mopahipli dayon sa dughang misikil. Wala hinoon koy nakita apan misulimbad na sab ang akong kengkoy nga panghunahuna.

Bitoy: Mana paghisgot sa pari ganina ba parti sa dughan ang mga babaye dughan may giayo pero nakabantay ko nimo ang hawak man nimo imong gipahiluna.

Mana: Tonto kang bataa ka tiguwang naman ta dili naman ugdo atong dughan gadungoy naman ni.

Bitoy: Unya nganong ang imo mang hawak maoy imong gikubikubi ganina.

Mana: Pagsiguro nga dili molugwa ako na lang giinsert(Toink!/Ayay!) Hehehehehehehehehehehehehe!

Makalingaw man ang unod sa wali daw punyal alang naku ang siguradong mitusok sa mga naigo sa ipasabot ni Padre Mike. Ang simbahan usa ka balaanong dapit alang sa pag-ampo ug pagpaminaw sa pulong sa Dios. Nan angay ug matarong lang nga ang respeto dili lang maggikan sa pulong ug sa hunahuna kun dili apil na sa imong pustora.

Dili mo man tumong ang pagpangdani o pagpaibog apan mahimong makabalda ka sa hunahuna sa uban sulod sa balay alampoanan.

(Naghisgot man tag dughan niay may edad na ay samtang namainit).  

Mana: Mano abi nimo bisan og may edad na ta fell naku no hot pako moinit pa ang akong dughan.

Mano: Ang-ang og di moinit nga ang imong dughan nay natuslo sa kape (Toink!/aguy!) Pagtsur diha manang!!!!!!! Hehehehehehehehehehehehehe!

(emailad: jomar_bellita@yahoo.com.) (BANAT NEWS)  

AKONG DUGHAN KANAL MAN PADER MIKE PADRE MIKE SEKSI TOINK
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with