Kalungsoran tukora'g kolehiyo - Ouano

CEBU, Philippines - Gidasig ni Board Member Thadeo Ouano ang mga local government unit (LGU) sa lalawigan sa Sugbo nga motukod og ilang kaugalingong kolehiyo kay mao kinimakasulbad sa nagkamahal nga edukasyon dinhi sa nasud.

Si Ouano nga nagsaulog sa iyang kasumaran sa adlaw’ng natawhan niadtong miaging Sabado mibutyag sa mga tigbalita nga moduso siya og resolusyon kalabot niini karong umaabot nga sesyonsahunta probinsyal.

Dugang pa niya ngasa maong resolusyon iyang awhagon ang mga mayor nga ang mga kolehiyo nga ilang tukoron atimanon gyud og maayo kay dako kini og ikatabang sa mgakabus nga kabataan nga makapadayon sa ilang pagkuha og kurso sakolehiyo. Si Board Member Ouano mipasabot nga kun anha ra sa kaugalingong lungsod motungha sa kolehiyo ang usa ka estudyante sayon ra sa mga ginikanan niini ang pagmonitor kanila.

Matud pa niya nga sa kasamtangan may pipila na ka mga LGU dinhi sa Sugbo nga nakapatukod na og kaugalingongkolehiyo sama salungsod sa Cordova,Consolacion, dakbayan sa Mandaue ug dakbayan sa Talisay.

Nagpatukod na usab ogkaugalingong kolehiyo ang dakbayan sa Lapulapu ug gani nagsugod na kini niadtong pagbukas sa klasesa miaging Hunyo. Matud pa ni Ouano nga kun tumanon lang sa mga mayor sa kalungsoran ang iyang sugyot hayan nga sa umaabot nga mga katuigan tawgon na ang Sugbo nga province of professionals. (BANATNEWS)