US Ambassador mobisita sa City Hall

CEBU, Philippines - Gikatakdang mobisita karongbuntaga sa Cebu City Hall angUS Ambassador to the Philippinesnga siHarry K. Thomasaron mo-courtesy call kangVice Mayor Michael Rama.

Si Rama maoy gitahasan ni Mayor Tomas Osmeña nga moatubang sa maong ambassador sanglit duna siya’ytambongan nga tigom saRegional Development Council ngagipangulohan ni Gobernadora Gwendolyn Garcia.

Nasayran nga ikaduha na kini nga higayonnga gibisita og US Ambassadorang City Hall sanglit mibisita usab sa maong buhatan sayong bahin niining tuiga ang kanhi US Ambassador nga si Kristie Ann Kenney.

Gipaabot ang hingpit nga seguridad sa City Hall karong adlawa alang sa pagduaw sa maong US ambassador. – BANAT NEWS