^

Botasyon sa Carcar nagubot

- Brenda Batuto, Cerie Uy Gamboa () - May 11, 2010 - 12:00am

CEBU, Philippines - Mga polling precincts diha sa barangay Bolinawan ug Kalubihan, dakbayan sa Carcar nagkagubot tungod sa giingong vote buying nga gihimo sa pipila ka mga lokal nga kandidato.

Apan dihang giadto sa Banat News ang maong mga polling precinct pulos mihimakak ang mga botante.

Ang kandidato sa pagka-mayor sa siyudad nga si Bise Mayor Nicepuro Apura mipasangil nga dunay nahitabong vote buying apan wala niini gitumbok kung asang lugara kini nahitabo ug wala usab niya gibutyag kung kinsang mga kandidatoha ang namalit og botos.

Si Apura mipasangil usab nga usa sa iyang mga supporter nga si Tony Alve nga taga barangay Napu ang nakadawat og pagpanghulga pinaagi sa pagsabwag og mga papel diha sa ilang atbang niadtong Sabado nga mibahad kaniyang dili kini pabotaron.

Matud ni Apura nga gibati niini og kahadlok si Alve hinungdan nga wala na kini magawas-gawas sa ilang balay.

Si Dr. Nestor Velez nga kaatbang ni Apura mihimakak sa maong pasangil ug mibawos og pamasangil nga ang iyang mga supporters maoy gipamalit ni Apura og tag P200 ang botos ug dili maoy gibabagan nga makaadto sa polling areas.

Usa sa mga supporter ni Velez nga taga barangay Buena Vista bukirang bahin sa Carcar nga si Teresita Lauron,54, mibutyag sa mga tigbalita nga ang mga botante sa ilang barangay gipang-atangan sa ilang kapitan nga kaalyado ni Apura ug pasakaon ngadto sa barangay hall hatagan og P200 ug butangan og indelible ink ang mga tudlo ug papaulion na lang dili na palahuson og pabotar.

Ang kampo ni Velez nangita pa og lig-ong saksi niini aron makuhaan og affidavit alang sa ilang ipasakang kaso batok kang Apura.  (BANATNEWS)

APURA BANAT NEWS BISE MAYOR NICEPURO APURA BUENA VISTA CARCAR DR. NESTOR VELEZ SI APURA TERESITA LAURON
  • Latest
  • Trending
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with