Nag-mahjong maong na-eskapohan?

CEBU, Philippines - Mga sakop sa kapulisan sa   Ronda Police Station giingong nag-mahjong niadtong milabay’ng Sabado hinungdan nga gi-eskapuhan sa ilang pinirisong gisugo paglabay og basura.

Nadakpan hinuon pagbalik niadtong Domingo ang mi-eskapong si Fernandez Blanco human sa duha ka adlaw nga pagpangita sa kapulisan niini.

Apan si Chief Insp. Januario Sario nga gikahinabi sa Banat News hugtanong nanghimakak sa pasangil nga nag-mahjong ang iyang mga sakop. Gibutyag niining tinuod dunay madyungan sa may merkado publiko sa ilang lugar hinungdan nga dili layo ang posibilidad nga dunay mga residenteng nakakita nga dunay polis nga mag-mahjong.

Si Sr. Supt. Jesus Gaquing, director sa kapulisan sa lalawigan sa Sugbu miparelibo na kang Sario ug miduso na’g lima ka mga pangalan nga ihulip sa opisyal. (Guam Logroño)   (BANATNEWS)