Patay'ng lalaki wa pa ilhi

CEBU, Philippines – Wala gihapon mailhi ang usa ka lalaking napalgang patay nga nagkadugo sulod sa usa ka lawak sa Ruftan Pension House sa dalan Legaspi sa barangay San Roque ning dakbayan niadtong milabay’ng adlaw. Ang maong lalaki sumala pa sa kawani sa maong pension house mag-Tinagalog kun moestorya. Si SPO4 Alex Dacua nahibulong nganong bisan usa ka dokumento nga mag-ila sa lalaki walay nakita diha sa iyang lawak lakip na ang pitaka niini. Sumala pa ni Dacua giingong sukad nga miabot ang maong lalaki niadtong Hunyo 18 magpunay ra kini og gawas ug mobalik gabii na ug hubog na. Gipaabot pa usab sa kapolisan ang resulta sa autopsiya sa maong lalaki ug pagsubay sa pagkatawo niini. – Lesley Caminade (BANAT NEWS)